Fjellblom Il

Fjellblom IL driv skiløyper og langrennsaktivitet kring Åsvang – i tillegg til ein del andre trivelege familieaktivitetar.

Fjellblom idrettslag held til på Åsvang og driv med fleire forskjellige aktivitetar. Om vinteren er det stor aktivitet i langrennsløypa og det vert arrangert skitrening for ungar kvar måndag (okt-påske) og lysløyperenn for alle kvar onsdag mellom jul og påske. I tillegg driv idrettslaget Slettefjell skiløyper som køyrer skiløypene kring Åsvang og langs Slettefjellet bort til Eggeåsen.

På Åsvang er det også eit skileikanlegg med gapahuk til fri bruk for alle. Slettefjellrenn, klubbmeisterskap og kretsrenn vert som regel arrangert kvar vinter. Gjennom vinteren er det og bading i Vangshallen, samt volleyball på Åsvang skule. I barmarkssesongen legges det ofte opp til intervalltrening i lysløypa, eller oppover Slettefjellvegen – av og til klarar vi også å få opp eit orienteringstilbod. Fjellblom IL har aktivitetar for både vaksne og barn, og ein er hjertelig velkommen til å delta!

Her kan du lese prosjektet integrerande frivilligheit sin presentasjon av laget: https://www.vangivaldres.no/aktuelt/nyheitsarkiv/skiglede-og-dugnadsand-i-fjellblom-il/